Тиздән ел дәвамында юл йөрү кагыйдәсен өч тапкыр бозган шоферлар бер елга машина йөртү таныклыгыннан колак какмагае

Тиздән ел дәвамында юл йөрү кагыйдәсен өч тапкыр бозган шоферлар бер елга машина йөртү таныклыгыннан колак какмагае. Россия Эчке эшләр министрлыгы әнә шундый эчтәлектәге яңа закон проекты әзерли. Кагыйдә бозулар исә электрон реестрда теркәлеп барачак. Хокук саклау органнары мәгълүматларына караганда, бүген юлларда килеп туган аварияләрнең яртысы диярлек кагыйдәләрне еш бозган шоферлар гаебе белән килеп чыга. Район ЮХИДИ бүлеге инспекторлары тарафыннан машина йөртүчеләргә карата агымдагы елның ун аенда 24437 беркетмә төзелгән. Алар арасында юл йөрү кагыйдәләрен берничә тапкыр бозганнар да бихисап.