Сугыш чоры җырлары төнгә кадәр яңгырады

"Өмет" үзәгенең Чалпыдагы социаль-тернәкләндерү бүлекчәсендә сәламәтлекләрен ныгытып ял итүчеләр арасында бу юлысы алты сугыш һәм тыл ветераны да бар. 22 июньдә, кайгы һәм хәтер көнендә, алар янына мәктәп укучылары килде. Кечкенә артисларны тын да алмый тыңлады ветераннар, рәхмәтләр әйтеп, изге теләкләрен юллап озаттылар.

Кичен исә "Хәтер шәме" акциясендә катнашып, сугышта һәлак булганнарны бер минутлык тынлык белән искә алдылар. Ветераннар төнгә кадәр дәһшәтле елларның истәлегенә уралып, җырлап утырдылар.

Әмирә Гәрәева, мәдәни чаралар оештыручы