Намуссызларга көн бетә

Кодекста барлыкка килгән яңа 360.1 маддә дәүләт хезмәт инспекторларының хокукларын киңәйтә. 

Хәзер эш бирүче хезмәт хакы түләми икән, хезмәт инспекторы аңа карата боерык чыгара. Ул исә эш бирүчегә булган әҗәтләрне билгеләнгән вакытка түләп бетерүне йөкли.

Әгәр моннан соң да бу үтәлмәсә, инспектор эш бирүчегә карата хезмәт бурычларын мәҗбүри түләттерү турында карар чыгара. Ул башкару документы булып исәпләнә һәм суд приставларына җибәрелә.

Моңа кадәр бурычны мәҗбүри түләттерү өчен суд карары кирәк, ә суд эше озак вакытка да сузылырга мөмкин иде.

Азнакай шәһәр прокуратурасы

Фото https://pixabay.com