Кече туганнарыбызга ярдәм кулын сузыйк

Ашыгып-ашкынып пар атларда Яңа ел якынлаша! Барыбыз да ниндидер тылсым көткән сихри бер халәттә яшибез. Якыннарыбызны котлыйбыз,бүләкләр, Яңа ел табынына куярга тәмле-тәмле ризыклар эзләп, кибетләргә йөгерәбез. Дөнья мәшәкате артыннан чабып,тирә-юньгә дә күз салырга онытмыйк, кадерле дусларым! Янәшәбездә дүрт аяклы "кече туганнарыбыз"- кышның салкын көннәрендә бездән яклау көтә. Мул табыннарыбыздан калган ризыклардан аларга да өлеш чыгарсак иде, мәрхәмәтле кешеләр! Бер-беребезгә игътибарлы, ихтирамлы булып яшик! Барча кешегә Яңа-ел ныклы сәламәтлек, яңа яуган энҗе кар бөртекләредәй бәхет чаткылары, гаиләләребезгә иминлек,илләребезгә тынычлык алып килсен! Яңа еллар белән!

Гөлчәчәк Хаҗиева