Җиһаншина Габидә Сәет кызын туган көне белән котлыйбыз!

Иң газиз кешебез - кадерле әниебез, әбиебез Җиһаншина Габидә Сәет кызының бүген туган көне! Кешеләргә, балаларына ярдәмчел, олы җанлы, кайгыртучан, кайгыларга, авырлыкларга бирешмәгән әниебезне туган көне белән чын күңелебездән котлыйбыз! Киләчәктә кайгы-хәсрәт күрмичә, балаларының игелеген күреп, шатлык-куанычта, чирләмичә озак яшәвен телибез!

Авырлыклар, әни, кичермә син,

Кыенлыклар бер дә килмәсен.

Йөзләреңдә шатлык нуры мәңге

Балкып торсын, мәңге сүнмәсен.

Сине тәбрик итеп без сайладык

Теләкләрнең иң-иң изгесен,

Гөрләп яшә, картаюны белмә,

Кайгы-хәсрәтләр күрмә син.

Иң изге теләкләр белән: балаларың, оныкларың.

Азнакай-Казан-Ковров