Җиңү бистәсе волонтерлары гаиләләр өчен фотосессия оештырды

Укучылар һәм аларның әти әниләре өчен “Объективта – гаилә”, “Мин объективта”, “Без бергә көчле” дип аталган фотозоналар эшли.

– Әлеге мәйданчыкларда эшләү – гаилә институтын ныгыту, балаларны берләштерү, әти-әниләр белән үзара аңлашу өчен бик мөһим, – ди мәктәп директоры Луиза Ермакова.

Гаилә, мәхәббәт һәм тугрылык көне уңаеннан әти-әниләр һәм балалар “Объективта – гаилә” фотозонасына җыелдылар. Гаилә белән төшкән фото – истәлек кенә түгел, ул күпме кәеф, хисләр, җылы атмосфера бүләк итә.

– Проектта катнашкан һәркем уңай эмоцияләр алгандыр дип уйлыйбыз, – ди оештыручылар.

– Елмаегыз, бер-берегезне кочаклагыз. Кеше өчен гаилә – иң кыйммәт әйберләрнең берсе. Һәркемгә сәламәтлек, гаилә иминлеге, зур һәм саф мәхәббәт телибез, – диделәр “Ачык йөрәкләр” волонтерлар отряды әгъзалары гаиләләргә мөрәҗәгать итеп.