Эшкә килүче мигрантлар саны чикләнә

Без инде язгы сыерчыкларга ук ияреп Урта Азия республикаларыннан мигрантларның да эш эзләп килүенә күнеккән. Әмма быелдан икътисад өлкәсендә читтән килүчеләрнең мәшгульлегенә канун нигезендә үзгәреш кертелде. Әйтик, спиртлы эчемлекләр сатуда аларның хезмәте 15, спорт өлкәсендә 25, яшелчә үстерүдә 50, тәмәке сатуда 15, транспортта 50 процентка кадәр чикләнде. Яшелчә җитештерү һәм транспорт өлкәсендә бу дәрәҗәдә чикләүләр аларның әлеге тармакларга аеруча күпләп килүе белән бәйле. Районыбызга бүгенге көнгә читтән 80 кеше килгән. Бу сан узган елгыдан беразга кимрәк.