Эчке эшләр органнары хезмәткәрләре көне белән!

Бүген бөтен илебез җәмәгать тәртибен саклаучыларны, гражданнарның иминлеген тәэмин итүчеләрне үзләренең хезмәт һәм гражданлык бурычларын намус белән үтәүчеләрне хөрмәтли.

Бәйрәм белән тәбрик итеп, ветераннарга аеруча зур рәхмәт сүзләре җиткерәсе килә. Гаять бай һәм тирән тәҗрибәләре булган өлкәннәребезнең үз эшләренә һаман да тугрылык саклаулары игътибар һәм хөрмәткә лаек.

Бу көнне без арабызда булмаган хезмәттәшләребезне дә искә алабыз. Аларның исемнәре мәңгегә безнең хәтердә саклана.

Хөрмәтле хезмәттәшләр! Намуслы һәм ару-талуны белмәс хезмәтегез, үз эшегезне үтәгәндә күрсәткән җаваплылыгыгыз өчен зур рәхмәт сезгә! Үзегезгә дә, гаиләләрегезгә дә ныклы сәламәтлек, тыныч тормыш һәм бәхет телим. Бәйрәм белән!

Радик Шәрәфиев, Россия Эчке эшләр министрлыгының Азнакай районы буенча бүлек начальнигы вазифасын башкаручы