Дәүләт куйган бурычлар тулысынча үтәлгән

ТР буенча Пенсия фонды бүлекчәсе управляющие Марсель Имамов исәп-хисап җыелышында Азнакай Пенсия фонды идарәсенең узган ел эшчәнлегенә уңай бәя бирде.
Азнакай Пенсия фонды идарәсе җитәкчесе Гөлнара Садыйкова чыгышыннан күренгәнчә, гражданнарны пенсия һәм социаль түләләүләр белән тәэмин итү буенча коллектив барлык дәүләт бурычларын тулы күләмдә үтәгән. Узган ел 1601 пенсия билгеләнгән. Пенсия күләме уртача 865 сумга арткан һәм 9037,5 сум тәшкил иткән. Картлык буенча хезмәт пенсиясенең уртача күләме 10,6 процентка артып, 9300,2 сум булган.
Агымдагы елның 1 февраленнән хезмәт пенсияләре тагын 6,6 процентка индексацияләнгән һәм барлык пенсияләрнең уртача күләме 9591,9 сумга җиткән.
Коллектив үз алдына халыкка хезмәт крсәтүнең сыйфатын тагын да яхшыртуны бурыч итеп куйды.