Азнакайның балалар иҗат үзәге каршына төп чыршы куелды

Яңа елга да санаулы көннәр генә кала, җәмәгать. Районда аңа әзерлек инде күптән бара. Быел шәһәребез урамнарында 8 чыршы-сылукай балкып утырачак. Аның иң зурысы төп мәйданнарның берсенә - Балалар иҗат үзәге каршысына бизәп куелды да инде. Әлбәттә, алар янында нәниләребезгә таучыклар, атынгычлар, кардан сыннар да пәйда булачак. Р.Ишкәев исемендәге паркта боздан шугалак ясауга керешелде. Бу эшләрнең барсы да районның оешма-предприятиеләр көче белән башкарыла. Шәһәрне Яңа елга бизәүне 25 декабрьгә төгәлләү бурычы куелды.