Азнакайның 18нче балалар бакчасы коллективы “Маяк” – файдалы газета" бәйгесендә җиңү яулады

"Маяк" - файдалы газета

Юбилеебыз алдынннан без әнә шундый бәйге игълан иткән идек. Аны газета укучыларыбыз хуплап алды, бәйгедә катнашырга теләк белдереп мөрәҗәгать итүчеләр күп булды. Фотосурәтләр, кул эшләнмәләре күчермәсен интернет-почтабыз аша да юлладылар, редакциягә дә китерделәр. Бәйгедә катнашкан һәркемгә ихластан рәхмәтләребезне җиткерәбез. Тәкъдим ителгән эшләрнең һәркайсын барлап, өйрәнеп, анализ ясадык һәм җиңүчеләрне барладык. Менә алар: фантазияләре гаҗәеп бай шәһәребезнең 18нче балалар бакчасы коллективы - бәйгебез җиңүчесе, газета битеннән тегермән, кәрҗин, шкатулкалар ясап шаккатырган Лилия Юнысова икенче урында, өченче урында - көймә, ваза, фоторамнар иҗат итеп кәгазьгә җан өргән 19нчы балалар бакчасы коллективы. Шулай ук "Теремок" бакчасының оста куллары, Гүзәл Ганиеваның иҗаты да сокландырды. Җиңүчеләребезгә киләчәктә дә шулай актив булып, яңадан-яңа уңышлар казануларын телибез һәм аларны 22 июль көнне 10.00 сәгатьтә редакциядә көтәбез.