Азнакайның иң шәп Кыш бабае кайда яши?
Азнакайда иң шәп Кыш бабайны ачыкладылар.
Бәйгегә йомгак төп Чыршыны һәм Кыш бабай резиденциясен ачу тантанасында ясалды.
Районның бөтен авыл биләмәләреннән, оешма-предприятиеләреннән, мәктәпләрдән җыелган Кыш бабайлар арсында иң-иңнәрен сайлавы да авыр булгандыр. Ни дисәң дә, һәркайсы сүзгә дә, җыр-биюгә дә сәләтле булулары өстенә, үзләре белән бихисап әкият персонажларын да ияртеп алып килгәннәр.
Шулай итеп, иң креатив, иң оста Кыш бабай Әгерҗе авыл биләмәсендә булып чыкты. Аның оригиналь котлавын халык алкышларга күмде. Икенче урында – Уразайныкы. Ул да тамашачыны дер селкетеп алды. Өченче урында – фантазиягә бай мәгариф идарәсе һәм Урманай мәдәният йорты Кыш бабайлары.
Бәйрәмне кышкы бизәкләргә, мили нәкышләргә төргән үзешчәннәребез осталыгына хәйран калмалы иде.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев