Азнакайлыларны иҗат берләштерә

Безнең кечкенә шәһәрчегебез өчен дә әдәби-музыкаль кичәләр ят түгел. Атна саен җыйнак кына бер кофейныйда әдәбият-сәнгатькә гашыйк кешеләр җыела. Теләгән һәркем үзенең музыкаль уен коралында яраткан көен, җырын башкара, кемдер үзе язган шигырен, хикәясен укый. Шулай ук кинолар турында фикер алышу бара. Биредә җаныңа аваздаш җаннар белән аралашасың, сәләтеңне ачасың.

- Мин монда тормыш мәшәкатьләреннән арынып, матур хисләргә чумам. Әлеге кичәләрдән соң дөнья яктырып киткәндәй була, - ди әнә берәү.

Чыннан да, сәнгать шундый зур рухи тәрбиви көчкә ия ул.

Шамил Латыйфуллин