Азнакайлылар татар телен онлайн-мәктәптә өйрәнә

2012 елдан башлап Татарстан Президенты Рөстәм Миңнеханов йөкләмәсе буенча татар телен өйрәтү буенча республикабызда дистанцион «Ана теле» проекты тормышка ашырыла. Онлайн-мәктәбе бушлай һәм бик уңайлы, аңа дөньяның теләсә-кайсы почмагыннан тәүлекнең 24 сәгате дәвамында кереп була. Азнакай мәгариф идарәсе хәбәр итүенчә, туган телебезне өйрәнергә теләүчеләр Albina_rogers@mail.ru электрон почтасына 29 гыйнварга кадәр үзләре турында мәгълумат (исем-фамилияләре, социаль статуслары, телефон номерлары) тапшыра алалар. Узган елны районыбыз мәктәпләреннән 68 укытучы hәм балалар бакчасыннан 106 тәрбияче әлеге проектта катнашкан.