Азнакайда юл төзелешенә зур игътибар бирелә

Бу көннәрдә Азнакай - Әлмәт юлының Әгерҗе авылы борылышы тирәсендә юл төзелеше эшләре бара. " Республика программасы буенча биредә иске асфалть юл төптән үк яңасына алыштырыла һәм Әгерҗе авылына керү юлында куркынычсызлыкны тәэмин итү максатында да чаралар күрелә - юл киңәйтелә", - дип хәбәр иттеләр безгә төзүчеләр: "Татнефтедор" филиалы автомобиль юллары идарәсеннән. Юл төзүчеләр төзелешнең сыйфатын кайгыртып һәм юлчыларга да авырлыклар тудырмыйча, вакытлыча юл да салып куйганнар.