Азнакайда “Тормыш тамчысы” акциясе узды (ФОТО+ВИДЕО)
3 сентябрьдә илебездә терроризмга каршы көрәшкә теләктәшлек көнен билгеләп узалар.
Әлеге көн кысаларында үткәрелә торган «Тормыш тамчысы» Бөтенроссия акциясенә азнакайлылар да кушылдылар.
Бүген шәһәребезнең Татарстан мәйданында шул уңайдан митинг оештырылды.
– Бесландагы трагик вакыйгалардан соң 16 ел узса да, безнең аны онытырга хакыбыз юк. Мәктәпкә белем алырга килгән күпме баланың гомере өзелгән, 3 көн буена тоткынлыкта бер тапмчы суга интегеп, үлем белән яшәү арасында көрәшкәннәр. Илләребез тыныч, тормышларыбыз имин булсын, – диде акцияне ачып муниципаль район башлыгы Марсель Шәйдуллин.
Митинг ахырында анда катнашучылар теракт корбаннарын бер минутлык тынлык белән искә алдылар, учларына су салып, якындагы чәчәкләргә сиптеләр.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев