Азнакайда, сайлауларда сукырлар да мөстәкыйль тавыш бирә алачак

Билгеле булганча, быел 18 сентябрьдә Россия Федерациясе Дәүләт Думасына депутатлар сайлаячакбыз. Башка еллардан аермалы буларак, бу юлы сукырлар һәм начар күрүчеләр дә мөстәкыйль тавыш бирә алачак: алар өчен махсус трафаретлар ясалачак. 6 июньдә Азнакай районы территориаль сайлау комиссиясе район үзәк китапханәсе белән берлектә әнә шундый физик мөмкинлекләре чикләнгән азнакайлылар белән очрашу үткәрде. Комиссия рәисе Лилия Әхмәдишина үз чыгышында физик мөмкинлекнең чикләнүе сайлау мөмкинлегенең чикләнүе булмаска тиешлеген белдерде. Очрашу бик җанлы узды, сайлаучылар да үз фикерләрен җиткерделәр. Ә китапханә директоры Лилия Мортазина биредәге тефлоүзәк һәм аның эш алымнары белән таныштырды.