Азнакайда Масленица күңелле узды (ФОТО+ВИДЕО)
Бүген шәһәребезнең «Шифа» сәүдә үзәге каршындагы мәйданда славяннарның борынгы йоласы – Масленица узды.
Кышны озату, язны каршылау бәйрәме уеннарга, җырга, биюләргә бай булды. Мәйданга халык шактый җыелды. Олысы да, кечесе дә артистларга кушылып рәхәтләнеп биеде, кулга-кул тотынып, әйлән-бәйлән әйләнде.
Алып баручылар бәйрәмне элек ничек үткәрүләре, аның йолалары белән дә таныштырдылар.
Бер кырыйда төтеннәрен чыгарып, самоварлар кайнады, табада чыж-чыж майлы коймаклар пеште. Шулай ук ярминкә оештырылган иде.
Азнакайлыларны бәйрәм белән муниципаль район башлыгы Марсель Шәйдуллин тәбрикләп, изге теләкләрен җиткерде.
– Җирлегебездә бәйрәмнәр бик күп уза. Аларда бөтен халык бергәләп күңел ача. Борынгы гореф-гадәтләрне буыннан-буынга тапшыручы күпме фольклор ансамбльләре эшли. Алга таба да шулай тынычлыкта, килешеп, тату яшәргә язсын, – диде ул.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев