Азнакайда - кызу печән өсте

Авылда печән өстенең иң кызган вакыты. "Союз-Агро" ҖЧҖ әлеге чарага иң җитди караучы хуҗалыкларның берсе. Алар бүгенге көндә 500 гектар мәйданда печән хәзерләгән. Шулай ук "Кәлимуллин" КФХ (120 га), "Туйкә" (100га), "Марс" (90 га.), "Азнакай" АФ" (200га) ҖЧҖләрдә, "Таллы Бүләк" АХҖК (50 га) сыйлы терлек азыгы хәзерләүгә зур игътибар бирәләр. Әмма "Агро - ТНГС-И" һәм "Стәрле" ҖЧҖләрдә эш сүлпән бара. Район буенча барлыгы 17 мең гектардан артык мәйданда терлек азыгы хәзерләнгән.

Шулай ук сенаж салу эшләре яхшы гына башлангыч алды.
Быел кышын терлекләр рационы яфрак азыкка да мул булыр. Әлеге мөһим чарада шәһәрлеләрнең дә ярдәм кулы сузуы матур традициягә әйләнде.