Азнакайда энергия саклауга багышланган семинар узды

Бүгенге көндә производствода энергия саклау һәм чыгымнарны киметү - иң көнүзәк мәсьәләләрнең берсе булып тора. Районыбызда 28 мартта авыл хуҗалыклары һәм җирлекләре, бюджет оешмалары җитәкчеләре катнашында узган семинарда сүз әнә шул хакта барды. Башта семинарда катнашучылар "Сельхозжилсервис" предприятиесе мисалында бу юнәлештә башкарылган эшләр белән таныштылар. Пленар өлештә торак-коммуналь хуҗалыгы хезмәтләре күрсәтү өлкәсендә проблемалар һәм бюджет өлкәсендә энергосервис контрактлар турында мәсьәләләр каралды. Тулырак - газетабызның киләсе санында.