Азнакайда бәйрәмгә хәзерлек буенча конкурс нәтиҗәләре ясалды

Бәйрәмгә хәзерлек буенча шәһәр биләмәсендә "Иң яхшы Яңа ел чыршысы" һәм "Яңа ел бизәлешен иң яхшы башкарган оешма" номинацияләре буенча конкурс оештырылган иде. Узган атна азагында эшче төркем аларны карап чыкты һәм ярышка йомгак ясады. Беренче юнәлеш буенча "Азнакайнефть" идарәсе - I, ""Татнефть-РемСервис" ҖЧҖ - II, "Азнакай "Нефтемаш" заводы" ААҖ һәм "МППБиО" унитар предприятиесе III урыннарны яулады. Икенче юнәлештә "Азнакайнефть" идарәсе (I урын), "Азнакай ПТС"ы ААҖ, "Бурение" ҖЧҖнең Азнакай цехы (II урын), "Азнакай сөте" һәм "Азнакай ПМК"сы җәмгыятьләре (III урын) коллективларына тиңнәр табылмады.