Азнакайда браконьерлар арткан

Районыбыз үзенең төзеклеге һәм матурлыгы белән дан тота. Атналык киңәшмәдә муниципаль район башлыгы Марсель Шәйдуллин муниципаль берәмлекләрне төзекләндерү, торак-коммуналь хуҗалыгында зур уңышларга ирешкән бер төркем җитәкчеләргә республикакүләм бүләкләр, Мактау грамоталары тапшырды.
Россия Эчке эшләр министрлыгының Азнакай районы буенча бүлек начальнигы Илдар Шакиров оператив хәлгә анализ ясап, юл-транспорт вакыйгаларының элеккечә кискен калуын билгеләп үтте. Узган атнада кеше гомеренә кул салу очраклары булган: бер кеше үлгән, икенчесе авыр хәлдә сырхауханәгә озатылган. Ул шулай ук браконьерлык очраклары артуын ассызыклап, аучылык белән шөгыльләнүчеләр өчен закон таләпләре катгый сакланырга тиешлегенә басым ясады.
Киңәшмәдә шулай ук Яңа ел бәйрәменә әзерлек, аны хәвефсез үткәрү турында мәсьәләләр тикшерелде.

Фото сайттан http://aznakayevo.tatarstan.ru/rus/aznakaevo_fotoreport.htm/photoreport/637798.htm