Азнакай яшьләре өмәгә чакыра

Җиңү бәйрәменә дә санаулы көннәр генә калып килә. Шул уңайдан районның барлык торак пунктларында бу араларда өмәләр гөрли, зиратлар төзекләндерелә, чистартыла. Азнакай районы яшьләр идарәсе дә санитар-экологик айлык кысаларында 23 апрель көнен бердәм өмәләр көне дип игълан итте. Бу шимбә иртәсендә барлык яшьләрне, шәһәрдәшләрне татар һәм рус зиратларын чистарту өмәсенә көтеп калалар. Ул Җиңү көненә әзерлек уңаеннан, ветераннар советы һәм предприятиеләр коллективлары белән берлектә оештырыла. Изге гамәлдә катнашырга ашыгыйк, дуслар!