Азнакай янгынчылары ярышларда да сынатмый

Әлмәт шәһәрендә көчләрне һәм чараларны хәрби җәелдерү буенча янгынчылар арасында ярышлар узды. Анда Татарстан Республикасы буенча федераль янгынга каршы хезмәт идарәсенең Әлмәт филиалына караган 14 янгын сүндерү һәм коткару бүлекләре катнашты.

Азнакай шәһәренең 12 нче янгын часте әлеге ярышларда икенче урынга лаек булды.

- Үзебезнең бүлек кенә түгел, Азнакай данын яклаган хезмәттәшләребез Марат Садыйков, Рузил Рәшитов, Артур Шакирҗанов, Нәфис Шәмсуллин, Ильяс Ибәтуллин бердәм команда булып чыгыш ясап, шундый уңышларга ирештеләр, - ди 12 нче янгын сүндерү бүлеге диспетчеры А.Садыйкова.