Азнакай урманында гөмбә җыйганда әби югалган

1 август көнне дә Әлмәттә яшәүче 1933 елгы әби туганнары белән Азнакай урманына гөмбәгә бара һәм юкка чыга. Туганнары аны кичкә кадәр эзләп тә таба алмагач, МЧС ка мөрәҗәгать итәләр. Коткаручылар әбине төнге 11гә кадәр эзлиләр, әмма таба алмыйлар. Икенче көнне әби таң белән Бөгелмә районы Кызыл Чишмә авылына үзе килеп чыга. Әбинең хәле начар түгел. Хөрмәтле, газета укучыларыбыз! Гөмбә диеп дөньягызны онытмагыз. Сак һәм игътибарлы булыгыз!