Азнакай сәнгать мәктәбе укучылары уңышы

2-3 мартта Бөгелмәдә узган "Йолдызлык-2013" фестиваленең зона турында Азнакай балалар сәнгать мәктәбе укучылары зур һөнәри осталыкларын күрсәтте. "Бәхет" (җитәкчесе - Н.Шәрифуллина), "Фантазия" (Э.Шәйхуллина), "Юлдаш" (Ф.Әхмәтгалиева) вокал ансамбльләре; "Балачак" хореогрфия коллективы (М.Зарифуллина) беренче дәрәҗә лауреат булды. "Вокал-соло" номинациясендә Салават Шәфыйков беренче, Исламия Хафизова (җитәкчеләре - Ф.Әхмәтгалиева) икенче дәрәҗә лауреат исемен алды.
"Конферанс" номинациясендә Мәдәният йортында З.Миннеханова кулы астында шөгыльләнүче Данил Берсенев шулай ук җиңү яулады. Алар барысы да апрель аенда Казанда узачак финалда катнашачак.