Азнакай җитәкчеләре районы башлыгы Марсель Шәйдуллин үрнәгендә #ПодпишиРодителей #ПодпишиБлизких акциясенә кушылды

"Татмедиа" акционерлык җәмгыяте игълан иткән #ПодпишиРодителей #ПодпишиБлизких акциясе дәвам итә. Районыбызда аңа старт биреп, акция башында ук Әлмәттә яшәүче әнисен "Ватаным Татарстан" газетасына яздырган, бүген исә Азнакайда яшәүче физик мөмкинлеге чикләнгән Тәкъзимә Шәнгәрәевага, Илгизә Хәкимовага татарча, Нәсих Шәкүровка русча "Маяк" газетасына подписка бүләк иткән район башлыгы Марсель Шәйдуллин үрнәгенә башка җитәкчеләребез дә иярде. Район башкарма комитеты җитәкчесе Айдар Шәмсетдиновның изге гамәле белән шәһәребездә яшәүче беренче төркем инвалид Гөлсинә Хәсәновага да ярты ел дәвамында "Маяк" килеп торачак. Район Советы аппараты җитәкчесе Айдар Хәлиуллин Азнакайда яшәүче әти-әниләренә шундый бүләк ясады.