Азнакай эзтабарлары Ленинград өлкәсендә эзләнү эшләрендә булып кайттылар
«Рейд» эзтабарлар отряды белән берлектә безнең Азнакайдан бер төркем егетләр Ленинград өлкәсенең Киришский районы Кусино авыл җирлеге территориясендә Бөек Ватан сугышында һәлак булган солдатларның җәсәдләрен эзләүдә катнаштылар.
Төбәкне өйрәнү музеенда алар белән очрашу узды. Муниципаль район башлыгы Марсель Шәйдуллин изге эш-гамәлләре өчен егетләргә рәхмәтен белдерде. Бу экспедиция район башлыгы ярдәмендә, Ленинградның Красногвардейский районы белән тугандашлык килешүе нигезендә оештырылган.
Эзтабарлар отряды җитәкчесе Ринат Җиһаншин нинди шартларда эшләүләре, нәрсәләр табулары һәм кичерешләре хакында сөйләде.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев