Азнакай эшмәкәрләре Олег Гречко белән очраштылар

Узган атнада Азнакай эшмәкәрләре ТР буенча Федераль антимонополь хезмәте идарәсе җитәкчесе урынбасары Олег Гречко белән очраштылар.

Олег Игоревич әлеге идарәнең эшчәнлеге, дөрес булмаган конкуренция, реклама, килешүләр, антимонополь закончалыклар турында чыгыш ясады, эшмәкәрләрнең күпсанлы сорауларына җаваплар бирде. Очрашу эшлекле сөйләшү, фикер алышу шартларында барды.

- Безнең төп максат: мондый төр закончалык бозу очракларын алдан кисәтү, эшмәкәрләргә ярдәм кулы сузу, ФАСка мөрәҗәгать итү тәртибен аңлату, - ди Олег Игоревич.

Эшмәкәрләргә соңыннан үзләрен борчыган шәхси сораулары белән дә мөрәҗәгать итү мөмкинлеге булды. "Киңәшле эш таркалмас", - диләр. Мондый очрашулар кагыйдә-таләпләрне саклауда зур әһәмияткә ия.

Фото сайта aznakayevo.tatarstan.ru