Азнакай балалар китапханәсендә әфганчылар кунакта булды

Әфганистаннан совет гаскәрләрен чыгаруга 30 ел тулу уңаеннан район балалар китапханәсендә хәрби-интернационалистлар Радик Шәйхвәлиев һәм Альберт Зарипов укучылар белән очраштылар.

Алар хәрби операцияләрдә катнашулары, бәйрәмнәрне ничек үткәрүләре, дуслык, һәлак булган иптәшләре турында сөйләделәр. Аеруча якташыбыз Николай Кандауровның кылган батырлыгы балаларны нык дулкынландырды. Укучылар өчен чын батырлык дәресе булды бу очрашу.