Азнакайда чүп мәсьәләсенә багышланган түгәрәк өстәл үтте

Актүбә бистәсе башкарма комитеты җитәкчесе Илһам Мөхәммәтҗанов, шәһәр башкарма комитеты җитәкчесе урынбасары Лилия Миндубаева, «Полигон ТБО» җәмгыяте директоры Гөлнара Галимова һәм «Гринта» җәмгыятенең генераль директор урынбасары Александр Оленин түгәрәк өстәлдә район халкын борчыган сорауларга җавап бирделәр.

«Гринта» һәм «Полигон ТБО» җәмгыятьләренең халыкны борчыган сорауларга җаваплар түбәндәге видеоны карап һәм «Маяк» газетасының 7 нче август саныннан укып белә аласыз!

Шулай ук киңәшмәдә район ветераннар советы рәисе Миләүшә Рәшитова, идарәче компанияләр һәм ТОС җитәкчеләре, торак-коммуналь хуҗалыгы департаменты вәкилләре дә катнаштылар.

– Федераль законнар буенча бездә республикада «Гринта» төбәк операторы 23 районга, шул исәптән безнекенә, хезмәт күрсәтә. «Полигон ТБО» җәмгыяте «Гринта» белән субподрядта эшлиләр, – дип аңлатты Айдар Шәмсетдинов.

– Һәр сишәмбе, хөрмәтле азнакайлылар, сезне кабул итеп, сорауларыгызга җавап бирә алабыз. Чүпләр мәсьәләсенә кагылышлы сораулар белән сез шәһәрдә урнашкан «Гринта» вәкиллегенә яисә «Полигон ТБО» җәмгыятенә мөрәҗәгать итә аласыз. Чисталык үзебездән дә тора! – дип киңәшмәне төгәлләде район башкарма комитеты җитәкчесе.

Тулырак «Маяк» газетасында укый аласыз һәм түбәндәге видеоны карап, белә аласыз.

Фото һәм видео: Ландыш Габитова.