"Ак калфак" татар хатын-кызларының район оешмасы гаилә статусын күтәрү турында сөйләште

Бүген республикада яңа гына гаилә корган 10 парның 6сы аерыла. Ә бит гаилә җимерелүнең тагын да аянычлы нәтиҗәсе - балаларның ятимлектә, тормыш авырлыкларында калуы. Районның балигъ булмаган балалар белән эшләү һәм аларның хокукларын яклау комиссиясендә бүгенге көндә исәптә торган 64 гаиләнең күбесе тулы булмаган гаиләләр. "Ак калфак" татар хатын-кызларының район оешмасы советының чираттагы киңәшмәсендә алар һәм КДНда исәптә торган 74 яшүсмер белән җитди эшләү, тыгыз элемтә булдыру кирәклеге хакында сүз барды, бу нәүбәттән конкрет бурычлар билгеләнде. Гаиләнең статусын күтәрү, аны ныклы итүдә "Димчеләр клубы"на да зур өметләр баглана.