Әгерҗе авылын Аҗдаһалар үз иткән

Мәдәният йорты каршындагыларыннан кала, бик матур, зур, яшел Аҗдаһа авылның Сибгат Хәким урамында да урнашкан. Анысын Баһаветдиновлар ясаганнар. Аҗдаһаның искиткеч фантазия белән ясалуына аптырыйсы юк. Иҗат итүче Лимуза үзе үк рәссам. Ул гимназиядә укучыларга рәсем сәнгате серләрен өйрәтә. Лимузага әлбәттә улы Динар да ярдәмгә килгән.

Ә ир-ат көченнән (Илдар) башка бу кадәр зур аҗдаһаны иҗат итүне күз алдына да китерү мөмкин түгел.

— Ай-һай, урамга чыгарга да куркырбыз инде. Бигрәк чынга охшаган, — ди Рузилә ханым шаяртып.

— Авылга бәйрәм рухы керсен дип тырыштык! Аҗдаһа елы һәммәбезгә дә бәхет кенә алып килсен!, — ди Лимуза ханым. Амин, шулай булсын!