Исереккә диңгез тубыктан
29 август көнне район ЮХИДИ бүлеге инспекторлары Ямашев урамы “ЗИЛ”машинасында хәрәкәт иткән Янусны туктата.
Машина белән идарә итүгә хокукы да булмаган ир-ат, җитмәсә, спиртлы эчемлекләр кулланган була. Аңа карата хокук сакчылары беркетмә төзиләр. Әлеге эшкә соңгы ноктаны җәмәгать судьясы куя: ул 10 тәүлеккә кулга алына.
Шундый ук икенче очрак 30 августта да кабатлана. Юл-патруль хезмәте инспекторлары Әгер авылында Равиловны туктата. Ул шулай ук исерек килеш руль артына утыра, “правасы” булмый. Спиртлы эчемлекләр кулланган машина йөртүчегә карата беркетмә төзелә. Бу көннәрдә ир-егеткә карата суд хөкеме дә чыгарылды. Ул административ хокук бозуда гаепле дип табылып, 10 тәүлек административ кулга алуга дучар булды.
Район юл хәрәкәте хәвефсезлеге комиссиясе материаллары буенча.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев