Азнакайлылар бердәм булып кар чистартырга чыктылар

Кар көртләре машиналарга гына түгел, тротуарлардан йөрүче җәяүлеләргә дә зур комачаулык тудыра. Әмма күршеләр аптырап калмадылар. Шунда ук эшкә дә тотындылар.

— Мин яши торган йортның идарәчел компания төркемендә кешеләр карлы юллар, тротуарлардан зарландылар. Мин тоттым да инициативаны үз өстемә алдым. «Кардан чистарту коллегиясе» төркемен булдырдым. Битараф булмаган күршеләрем миңа кушылдылар. Җыелу урынын, кар чистарту эшләре оештыру турында сөйләштек, — ди волентер Регина.

Төркемдә катнашучы башлап йөрүчеләрнең берсе — Азнакай шәһәре башкарма комитетының әйдәр белгече Ләйсән Вахитова. Ләйсән бу фикер белән шәһәр башкарма комитеты җитәкчесе Эльвир Габдрахманов белән бүлешә. Ул үз чиратында бу изге эштә катнашырга теләк белдергән һәркемне көрәкләр, башка кирәк яраклар белән тәэмин итә.

Волонтерлар арасында шәһәр балалар бакчалары мөдирләре дә була. Алар Болгар урамы аллеясын, Р. Ишкәев исемендәге балалар паркы сукмакларын, Гурьянов
урамына керү юлын һәм башка урыннарны кардан чистарталар. Исәпләре: алга таба да туктап калмау, эшне дәвам итү. Афәрин.