Сез бүләкләр уйнатуда катнашасызмы?

Язылучылар арасында “Азнакай” санаториена юллама уйнатылачак. “Маяк” редакциясе катнашучыларның якынча исемлеген төзеде. Монда  редакция аша язылган һәм катнашырга ризалыгын биргән әбүнәчеләр, шулай ук почта бүлеге аша язылып редакциягә квитанция китерүчеләр яки электрон почтага mayakpodpiska@mail.ru җибәрүчеләр катнаша. Призлар уйнату 1 июль көнне оештырылачак.

Шулай ук сезгә “ТАТМЕДИА” АҖ  әзерләгән призлар уйнату турында да искә төшереп китәбез. Әгәр сез “ТАТМЕДИА” АҖ нең бер газетасына һәм бер журналына язылып һәм квитанциялар күчермәсен 420066, Казан шәһәре, Декабристлар ур, 2 йорт адресына яки podpiska@tatmedia.ru электрон почтага җибәрсәгез, бүләкләр уйнатуда катнашачаксыз. Тулырак мәгълүмат белән  tatmedia.ru сайтында танышып була. Гаризалар 15 августка кадәр кабул ителә.

Безнең әбүнәчебез Сиринә апа ел саен бүләк уйнатуда катнаша. Ике тапкыр

“ТАТМЕДИА” АҖ нең призеры булган. Бу юлы да безгә “Маяк”ка язылу турында  квитанциясен  алып килде: ”Бәлки бу юлы да уңыш минем яклы булыр,”- ди даими укчыбыз.

Ә сез бүләкләр уйнатуда катнашасызмы? Әле вакыт бар, редакциядә һәм альтернатив   пунктларда “Маяк”ка язылу дәвам итә:

-“Хәят” кибетендә (күпләп сату базасында);

-“Кукмара киеме” кибетендә (“У Эльмиры” сәүдә үзәгендә);

-үзәк район һәм балалар китапханәсендә;

- Яңа юл микрорайоны күп функциональ үзәгендә;

-Мәнәвездә урнашкан “Айзилә”кибетендә

-Актүбә бистәсендәге китапханәдә.

Список