Мальбагуш авыл җирлегендә «Себерке бәйрәме» узды

Чараның инициаторы һәм оештыручысы — авыл ветераннар советы рәисе Илмира Абузар кызы Әхтәмова.

Чара программасы борынгы йолаларга нигезләнеп төзелде. Үләннәр җыю, мунча себеркеләре бәйләү һәм чәй әзерләү – барысы да табигатьтә, рухи бердәмлектә узды.

Җыелган үләннәр хәзер махсус хәрби операция сугышчыларыбыз өчен чәй ясауга китәчәк. Эрем, юкә, җир җиләге яфраклары, мята – аларның һәркайсы хэрбилэргэ көч, саулык һәм өй җылысын ирештерәчәк.

Бәйләнгән мунча себеркеләре Актүбә бистәсендәге картлар йортына озатыла. Чөнки изгелекнең чиге юк – ул бүлешкән саен арта гына-дип саный авыл халкы.

Илмира Абузар кызы Әхтәмовага милли гореф-гадәтләрне саклаганы, шулай ук актив гражданлык позициясе һәм изге гамәлләрне оештырганы өчен рәхмәт белдерәбез. Мондый инициатива җирле халыкның бердәмлеген күрсәтә һәм игелекле эшләр традициясен дәвам итә.

Чыганак: Азнакай район Советының матбугат хезмәте

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!