Сугышчының медальоны табылган

Эзләнү отряды тарафыннан Бөек Ватан сугышы елларында хәбәрсез югалган Егоров Владимир Гаврилович исеменә медальон табылган. Ул 1913 елда Азнакай районы Тимәш авыл советына караган Холмовка авылында туган. В.Г. Егоров, аның якыннары турында нинди дә булса мәгълүмат белүчеләрнең Азнакай район-шәһәр хәрби комиссариатына (Солтангалиев урамы, 4А)  мөрәҗәгать итүләрен сорыйбыз. Бәлки аның якыннары да бардыр. Тел.: 8(85592) 7-29-82; 7-30-03.