Азнакайлылар, салым түләргә онытмагыз!

Агымдагы елның 2 декабреннән закон белән билгеләнгән вакытта салым түләмәгән гражданнар автомат рәвештә бурычлы була.

17 нче районара салым идарәсеннән хәбәр итүләренчә, салым түләүләрен банк, почта бүлекләрендә, федераль салым хезмәте яки Дәүләт хезмәтләре сайтлары аша түләп була.

2019 ел өчен милек, җир һәм транспорт салымнарын түләүгә уведомление килмәгән очракта, салым инспекциясенә мөрәҗәгать итәргә мөмкин.

Хезмәт күрсәтү залының эш вакыты түбәндәгечә:

дүшәмбе, чәршәмбе – 9.00 – 18.00 сәгатьләрдә;

сишәмбе, пәнҗешәмбе – 9.00 – 20.00 сәгатьләрдә;

җомга – 9.00 – 16.45 сәгатьләрдә;

шимбә һәм якшәмбе– ял көннәре.

Төшке ашсыз.