Режиссер Гөлсинә Җамалиева җитәкчелегендәге Азнакай халык театры Самара өлкәсе Камышлы авылында узган төбәкара милли театр фестивалендә гран-прига лаек булды.
Россия халыкларының мәдәни мирасы елына багышлап үткәрелгән әлеге бәйге ике турдан торган һәм жюри карамагына Камышлы районы, Самара өлкәсе, Татарстаннан 16 коллектив видео-спектакль тәкъдим иткән.
”Икенче турга узып, чакыру алдык. Гала-концерт безнең театрның Авксентий Цагарели әсәре буенча куелган “Ханума” спектакле белән башланып китте. Тамашачы бик җылы кабул итте. Әлеге спекталь белән “Идел-йорт” төбәк фестиваль-конкурсында беренче урынга лаек булдык. Күптән түгел Лениногорск шәһәрендә чыгыш ясадык, 14 апрельдә Азнакайда мәдәният йортында куячакбыз. Тамашачыларны көтеп калабыз”, – ди район-шәһәр Мәдәният йорты директоры Ландыш Шәрәфиева.
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев