Азнакайда Май чабу бәйрәме узды
Язның кояшлы беренче көне Май чабу бәйрәме белән башланып китте
Кая карама коймаклы чәй өстәле. Районның авыл Мәдәният йорты хезмәткәрләре бәйрәмгә әнә шулай әзерләнеп килгәннәр. Коймаксыз Май чабу бәйрәме була мыни!?
Менә тагын җиргә яз килә. Бәхет-шатлыклары белән килсен! Барыбыз да исән-имин булыйк. Матур итеп язны каршылыйк! диде район башлыгы урынбасары Роза Галеева район башлыгы Марсель Шәйдуллин, җитәкчеләр исеменнән үзенең сәламләү сүзендә.
Мәдәният хезмәткәрләре әзерләгән театраль тамаша, җыр-моңнары астында кунаклар рәхәтләнеп күңел ачтылар. Үзләре дә җырладылар, биеделәр. Иң сөенгәне, әлбәттә балалар. Алар өчен төрле уеннар да оештырылган иде.
Бигрәк матур бәйрәм оештырганнар. Мәйдан гөрләп тора. Ул ансамбльләрнең киемнәре, матур җыр-биюләре искитмәле, ди бәйрәмнән кайтып килүче Әдибә ханым.
Бәйрәмнән һәммәсе әнә шундый матур тәэсирләр алып, чиксез рәхмәтләрен әйтеп таралыштылар.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев