Әниләр көне белән!

Сезне ихлас күңелдән күркәм бәйрәмегез белән тәбрик итәм. Бу һәрбарчабызның уртак бәйрәме. Җир йөзендә әнидән дә якын, кадерле кеше юк. Сезнең назны, күңел җылысын һәм мәхәббәтне, кайгыртучанлыкны гомер буена тоябыз. Авыр чакларда җылы кочагыгызга сыенабыз, акыллы киңәшләрегез тормышта дөрес юл күрсәтә. Сез гаилә традицияләрен, җәмгыятебезнең әхлакый һәм мәдәни кыйммәтләрен саклаучы. Әниләрнең кылган игелеген санап бетерү мөмкин түгел! Безгә гомер бүләк иткәнегез, һәрчак аңлавыгыз һәм сабырлыгыгыз өчен зур рәхмәт! Сезгә ныклы сәламәтлек, имин тормыш телибез. Балаларыгыз бары тик шатлык кына китерсен, аларның уңышларына куанып, озын-озак гомер кичерергә язсын.

Марсель Шәйдуллин, Азнакай муниципаль районы башлыгы