17 октябрь – Юл хуҗалыгы хезмәткәрләре көне

Сезне ихлас күңелдән һөнәри бәйрәмегез белән тәбрик итәм. Юл хуҗалыгы – ул инфраструктура үсешенең мөһим өлеше. Яхшы юллар предприятиеоешмаларның, машина йөртүчеләрнең эшен җиңеләйтә, тормыш иминлеген тәэмин итә, халыкның яшәү шартларын яхшыртуда булыша. Районыбызда юлларның озынлыгы 860 чакрым тәшкил итә. Юл хезмәткәрләре аларны ел әйләнәсе карап торалар. Җирлегебездә ел саен 600 млн сумлык юл эшләре башкарыла. Авылларда үзара салым акчаларына таш юллар түшәлә, “Безнең ишегалды” республика программасы буенча күп фатирлы йортлар тирәләре төзекләндерелә. Хөрмәтле юл хезмәткәрләре һәм ветераннары! Тырыш хезмәтегез өчен тирән рәхмәтемне белдереп, сезгә эшегездә уңышлар, ныклы сәламәтлек, имин тормыш телим.

Марсель Шәйдуллин, Азнакай муниципаль районы башлыгы