Азнакай районында 40 яшьлек хатын-кызның үле гәүдәсе табылган
Әлмәт кунагы Тымытык авылындагы туганнарына бәрәңге утыртырга килгән була.
Тымытык авылында Әлмәттә яшәүче 40 яшьлек хатын-кызның үле гәүдәсе табылган. Аның муенында һәм корсагында киселгән-кадалган эзләр була.
Тикшерү барышында аның бирегә туганнары янына бәрәңге утыртырга ярдәм итәргә килгәнлеге ачыклана.
Эш беткәннән соң алар бераз “ял итеп” алалар. Бераздан туганнарның бер өлеше таралыша, ә 72 яшьлек хуҗа һәм Әлмәт кунагы йортта кала, дип хәбәр итә ТР буенча Эчке эшләр министрлыгының матбугат хезмәте.
Иртән өй верандасында 40 яшьлек туганының мәетен апасы табып ала. Ә йорт хуҗасы, аңсыз килеш, мунчада табыла. Аңа ис тигән була.
Оператив-тикшерү барышында полиция хезмәткәрләре хуҗаның спиртлы эчемлекләр кулланганна соң үзен агрессив тотуын ачыклый. Улына да берничә тапкыр пычак күтәргән булган.
Әлеге очрак буенча җинаять эше ачылган.
Фото: архив
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев