Азнакаево
  • Рус Тат
  • 53 яшьлек ир-ат, көнләшеп, хатынын һәм абыйсын атып үтергән

    Гаепле ир-ат үзе полициягә шалтыраткан һәм кылган гамәлен таныган.

    Башкортстанда яшәүче 53 яшьлек ир-ат, көнләшеп, хатынын һәм абыйсын атып үтергән. Бу турыда “Башинформ” агентлыгы хәбәр итә.

    Төбәк тикшерү комитеты мәгълүматлары буенча, 3 ноябрьдә ир-ат, бүлмәдә 44 яшьлек хатыны белән 65 яшьлек абыйсының бергә булуларын күреп, карабиннан башта - хатынына, ә аннары качарга тырышкан абыйсына аткан. Ике зыян күрүче дә һәлакәт урынында ук үлгән.

    Гаепле ир-ат үзе полициягә шалтыраткан һәм кылган гамәлен таныган. Һәлакәт урынына тикшерү-оператив төркеме килгән. Җинаять эше кузгатылган.

    Һәлакәт урыны тикшерелгән, җинаять кылуда шикләнелгән ир-ат тоткарланган, аңа карата ике кешене үтерүдә гаепләү белдерелгән. Җинаять кылу нечкәлекләрен ачыклау максатыннан, тикшерү эшләре алып барыла.

     

     

    «Татар-информ»

    Фото pixabay.com

    Реклама
    Нравится
    Поделиться:
    Реклама
    Комментарии (0)
    Осталось символов: