Азнакаево
  • Рус Тат
  • Азнакайлыларга Айгөл Вәлиуллинадан шигъри күчтәнәч

    Айгөл Вәлиуллина иҗаты.

        Көтеп үтә гомер

    Көтеп үтә җирдә безнең гомер,
    Кышы килсә, көтеп язларын.
    Иркәләр, дип язмыш баштан сыйпап,
    Бүлеп бирер, диеп назларын.

    Көтеп үтә җирдә безнең гомер,
    Күрешергә санап көннәрне.
    Әйт, көтмичә яши аламы икән,
    Җир йөзендә кемнең кемнәре?

    Көтеп үтә җирдә безнең гомер,
    Җылы сүзләр, якты карашны.
    Көтә-көтә юылып та бетә,
    Күзкәйләрнең җете карасы.

    Көтеп үтә, көтеп үтә гомер,
    Көтәр өчен безне яраткан.
    Сабыр иткән, морадына җиткән,
    Бәхет тапсын иде азактан.


     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: