Азнакаево
  • Рус Тат
  • Азнакайлыларга Рәфкать Шаһиевтан шигъри күчтәнәч

    Рәфкать Шаһиев иҗаты.

    Мин хатынны мактыйм

    Урап -урап тышта карлар ява,

    Шундый матур иртә.

    Пар канатлы булып яшәүләргә,

    Җирдә соң ни җитә.

    Янәшәңдә гомер иткән ярың,

    Җанга җылы бирә.

    Өйләр якты, ашлар тәмле һәрчак

    Ул булганга күрә.

    Дөнья булгач, төрле чагы була –

    Җилләп ала көннәр.

    Тик, яңадан балкып кояш чыга,

    Чәчәк ата гөлләр.

    Урап-урап тышта карлар ява,

    – Дөнья актан ак , – дим.

    Акыллылар атын мактасыннар,

    Мин хатынны мактыйм.

    фото: Айгуль Шарифуллина

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: