Яшелчәләргә “күрше” сайлыйбыз

Кәбестә арасына салат, укроп яки редис чәчсәң яхшы.

Помидор – салат, шпинат, суган белән “килешә”. Ләкин аларны бераз алданрак утыртырга кирәклеген истә тотыгыз.

Кыяр – хуш исле үләннәрне яратмый (бары укропны гына үз итә). Кыярга борчак, фасоль, кәбестә, помидор, торма әйбәт «күршеләр» була ала.

Бәрәңге күп үсемлекләргә түзем. Фасоль, кукуруза, керән, баклажан, суган янында әйбәт кенә үсә. Ә менә помидор белән килешә алмый – чөнки бер гаиләдән, чирләре дә уртак.

Кишер бик күп культуралар белән тыныч «яши».

Суган белән сарымсак янына борчак һәм фасоль утыртмагыз.

Фото https://pixabay.com