Ничек матур булырга соң?

Алай гына да түгел, матурлык – ул сихәтлек тә дигән сүз бит әле. Әмма безгә моның өчен эстрогеннарның җитәрлек булуы кирәк икән. Ә аларны кайдан алырга соң? Әлбәттә инде, ризыктан.

1. Җитен орлыгы эстроген җыелмасы күплеге белән беренче урында тора. Аны ризыкка кушып ашау файдалы.

2. Яшел борчак тиздән өлгерә, анны да туйганчы ашап та, кышлыкка җыеп та калыйк.

3. Абрикос та бик яхшы. Шөкер, ел әйләнә өзелмибез үзеннән. Инде яңа уңыш та көттермәс.

4. Шалфей, ромашка кебек үзебездә үскән үләннәрне дә куллансаң ярый.

Болар барысы да гүзәл затларны тагын да гүзәл итүче үсемлекләр икәнлеген онытмыйк.