Чабак тоту серен беләсезме?

Елга, күл буйларында бар дөньяңны онытып балып каптыруны кем яратмый? Бар андыйлар, дисезме? Бик шәп шөгыль: дөнья кайгылары онытыла, күңел су өсте кебек тыныч, табигать хозуры үзе ни тора! Сүзебез чабак турында иде бит. Аны тотуның да сере бар икән. Таныш балыкчы сөйләде.

Чабакның үз урыны бар икән. Сулыкның төбе комлы булганны ярата ул. Бик нык агымсулы җирдә чабакны күрмәссең, аңа тынычлык кирәк. Су үсемлекләре тирәсен үз итә. Эресе төптәрәк ятса, ваклары бөҗәк эзләп өстә йөри.

Чабак тотарга гадәттә кичкырын яки бик иртә барырга кирәк.